کمیونٹی ویلفیئر اتاشی عبدالشکور شیخ کی چار سالہ خدمات قابلِ تحسین ہیں: انڈس کلچرل اینڈ سوشل فورم

کمیونٹی ویلفیئر اتاشی عبدالشکور شیخ کی چار سالہ خدمات قابلِ تحسین ہیں: انڈس …

ریاض (وقار نسیم وامق) سعودی عرب میں انڈس کلچرل اینڈ سوشل فورم کی جانب سے تقریب کا اہتمام کیا گیا جس میں سفارت خانہ پاکستان کے ویلفئیر اتاشی عبدالشکور شیخ کی سفارتی خدمات کو خراج تحسین پیش کیا گیا. 

سعودی دارالحکومت ریاض میں منعقد ہونے والی تقریب میں انڈس کلچرل اینڈ سوشل فورم کے ایگزیکٹو ممبران کی جانب سے سفارت خانہ پاکستان کے ویلفئیر اتاشی عبدالشکور شیخ کی ویلفئیر سیکشن میں چار سالہ خدمات کو سراہا گیا اور کہا کہ انہوں نے اپنی فرض شناسی سے ویلفئیر سیکشن میں نئی جہت بخشی اور ہزاروں پاکستانی ورکرز کو درپیش مسائل کو حل کروانے میں اپنا کردار ادا کیا. 

صوبہ سندھ سے تعلق رکھنے والے اس سپوت نے محبتوں اور اعلیٰ اخلاقی قدروں کے ساتھ دیارِ غیر میں اپنا آپ منوایا ہے پاکستانی کیمونٹی کی تمام تقریبات میں انہوں نے اپنی شرکت کو یقینی بنایا اور لوگوں کے درمیان باہمی روابط کو بڑھانے کا ذریعہ بھی بنے. 

سندھی کیمونٹی ان کی شکر گزار ہے کہ انہوں نے اپنی اعلیٰ ظرفی کے ذریعے سندھ کا نام روشن کیا اور پاکستان کا نام روشن کیا. 

انڈس کلچرل اینڈ سوشل فورم کے صدر ڈاکٹر مصطفیٰ میمن نے کہا کہ عبدالشکور شیخ نے جہاں کیمونٹی مسائل کو حل کیا وہیں پر پاکستانی ثقافتی رنگوں کو اجاگر کرنے کے لئے بھی بھرپور کردار نبھایا اور سندھی کلچر کو سندھی کیمونٹی کے ہمراہ بھرپور انداز کے ساتھ اجاگر کیا ہم ان کی خدمات کو ہمیشہ یاد رکھیں گے. 

ڈاکٹر مصطفیٰ میمن نے مزید کہا کہ انڈس کلچرل اینڈ سوشل فورم ناصرف سعودی عرب بلکہ اندرون سندھ کئی ایک فلاحی کاموں میں اپنا حصہ ڈال رہا ہے فورم کے ذریعے جہاں بیرون ممالک مقیم افراد کو ہنر مند بنایا جا رہا ہے وہیں پر سندھ کے تعلیمی اداروں میں بھی انڈس کلچرل اینڈ سوشل فورم اپنی تکنیکی اور مالی سپورٹ کو جاری رکھے ہوئے ہے اور اس میں بھی عبدالشکور شیخ نے جس طرح ہماری رہنمائی فرمائی ہے اسکو ہم مدتوں یاد رکھیں گے. 

اس موقع پر عبدالشکور شیخ نے کہا کہ وہ یہاں سے بہت سا پیار اور محبت سمیٹ کر وطن واپس جا رہے ہیں اس دوران انکی ہمیشہ کوشش رہی کہ اپنی ذمے داری کو بہتر انداز کے ساتھ نبھا سکوں اور دیار غیر میں ورکرز کو درپیش مسائل کا حل کرنے میں کردار ادا کرسکوں کورونا وائرس کے دوران جس طرح کمیونٹی نے سفارت خانہ پاکستان کے ساتھ ملکر کام کیا اور مشکلات پر قابو پایا ہمیں ایسی یگانگت کو ہمیشہ قائم رکھنا ہے. 

تقریب سے سفارت خانہ پاکستان کے منسٹر ٹریڈ اینڈ انوسٹمنٹ اظہر داہر سمیت قاضی ذیشان میمن، عبدالقادر ملاح، انیس ملک، ڈاکٹر سعید منگی, حفیظ شیخ نے بھی اظہار خیال کیا. 

مزید :

عرب دنیاتارکین پاکستان




Source link

مینو